PETALISMUS

PETALISMUS
PETALISMUS
apud Syracusanos, simile quid erat ostracismo Atheniensium: nisi quod hic in decennium, ille in quinquennium, exiliô multaret. Nomen ei a Graeca voce πέταλον, i. e. folium, quod oleae folio nomen eius, quem exulem volebant esse, inscribi soleret, vide Plut. Aristide. Ab eadem origine Petalium est, nomen praestantissimi e nardo unguenti, de quo Dioscorides l. 1. c. 81. Meminit eius Plautus Curculione, Actu 1. sc. Flos veteris vini. v. 5.
Nam omnium unguentûm odor prae tuo, nautea est.
Tu mihi stacte, tu cinnamomum, tu rosa,
Tu crocum et casia es, tu Petalium.
Latine Foliatum quod vide supra. Hôc aliisque unguentis utebantur Veteres non tam ad necessitatem aut valetudinem, quam ad voluptatem et conviviorum delitias, vel vino illa miscendo vel corpori coronisque inungendis adhibentes: idque a primis Reip. Romanae temporibus, usque non ad florentem modo, sed etiam extremam eius aetatem, Et quidem de Petalio seu Foliato inprimis loquitur Martial. l. 11. Epigr. 28. v. 9.
At mea me libram Foliati poscit amica,
Aut virides gemmas sardonychasque pares.
Et l. 14. Epigr. 110.
Haec licet in gemma, quae servat nomina Cosmi,
Luxuriose bibas, si Foliata sitis, etc.
Vide Thom. Dempster. Peralipom. in Rosin. l. 5. c. 30. et infra in voce Unguentum. Sed et Petalium seu Petalum, dicitur in habitu Sacerdotis Summi, apud Hebraeos, bractea illa ex auro puro, cui insculptum erat, Sanctitas Iehovae: Haec apposita erat cum vitta hyacinthina, super ipsam cidarim e regione anterioris eius partis; super frontem Pontificis Summi, ut auferret iniquitatem rerum sacrarum, quas consecrâssent filii Israelis, etc. Vide Exodi c. 28. v. 36. 37. 38. et supra Frontale. Hinc et πέταλον, bractea, seu πετταλοποιοὶ seu πεταλοῦργοι, i. e. Bracteatores, l. c. 1. C. de excus. Artific. Sic dicti autem erant, qui inter alia statuas Virorum illustrium aureis bracteis obducebant. T. Livius 4. Dec. l. 10. Aedem (Pietatis) dedicavit M. Acilius Duumvir statuamque auratam, quae prima omnium in Italia statua inaurata est, Patri Glabrioni posuit. Vide quoque Val. Max. l. 2. c. 5. atque iterum Dempsteri Paralipom. in Rosinum l. 9. extr. etc.

Hofmann J. Lexicon universale. 1698.

Игры ⚽ Нужно решить контрольную?

Look at other dictionaries:

  • Petalismus — (v. gr.), in Syrakus eine dem Ostrakismus in Athen ähnliche Maßregelung wirklich od. nur scheinbar der Verfassung gefährlicher Bürger, durch welche auf fünf Jahre Verbannung erkannt wurde; die Stimmen wurden auf Olivenblätter geschrieben u. in… …   Pierer's Universal-Lexikon

  • Petalismus — Pe|ta|lis|mus der; <zu ↑...ismus> dem ↑Ostrazismus ähnlicher Brauch im alten Syrakus, wobei die Namen der zu Verbannenden auf Olivenblätter geschrieben wurden …   Das große Fremdwörterbuch

  • Syrakus [2] — Syrakus (Gesch.). S. war eine dorische Niederlassung, gegründet unter Archias 735 (n. And. schon 758, nach And. erst 732 od. 709) v. Chr. auf der Insel Ortygia. Der Zeit nach war S. die zweite griechische auf Sicilien geführte Kolonie; doch wurde …   Pierer's Universal-Lexikon

  • Syrakus [1] — Syrakus (Syracūsä), Stadt auf der Ostküste Siciliens am Fluß Anapus, hatte 180 Stadien (4 1/2 geographische Meilen) im Umfange, 3 Citadellen u. 2 Häfen u. bestand aus 4 (mit Hinzurechnung von Epipolä aus 5) Theilen. Sie hatte zur Zeit der größten …   Pierer's Universal-Lexikon

  • Petalum — Petalum, aus dem Griech., Blatt, Blumenblatt; Petalismus, in Syrakus Verbannung auf 5 Jahre (man stimmte mit Olivenblättern ab); Petalit, eine Art Feldspath; petaloidisch, blattähnlich; Petalokeren, Insecten mit blättrigen Fühlhörnern;… …   Herders Conversations-Lexikon

  • BRACTEA seu BRATTEA — ita enim saepius reperitur in libris scriptum, quam vis prius potius: non ἀπὸ τȏυ βράχειν, sed ἀπὸ τȏυ βρέχειν, i. e. linere. illinere, dicta est. Hinc enim βρεκτὴς, qui linit et Βρεκτία, litura, vel quod illinitur: Latine bractea, tenue anri… …   Hofmann J. Lexicon universale

  • LAMINA — frustum metalli cuiusque, in longitudinem magis, quam latirudinem, ductum, bracteâ crassius; ex Graeco ἠλαμένη, verbi ἐλαύνω, nomen accepit. Cuiusmodi lamellam auream, naso suspensam, quae ad ornatum labia tegebat, in Rege Nagoarae aliisque… …   Hofmann J. Lexicon universale

Share the article and excerpts

Direct link
… Do a right-click on the link above
and select “Copy Link”